Karbi-Mikir Language - T"he Two Roads".mp3

==== भारतीय प्रचलित भाषा जिनके एक लाख से दस लाख वक्ता (३०-६०) - "खुशखबरी", "जीवन के शब्द", "इँजील गीत" / / INDIAN POPULAR LANGUAGES THAT HAVE 100,000 TO ONE MILLION SPEAKERS(FROM No.30 TO No.60) - "GOOD NEWS", "WORDS OF LIFE", "GOSPEL SONGS"====

कार्बी-मिकिर भाषा - "द टू रोड्स"।mp3 // JON 1 - Chethe Alam1Arnam Sining-pirthe pinchongche ako Lam dolo, Lam Arnam along dolo, lapen Lam Arnam lo. 2Kechengsi ahut penta Lam Arnam along dolo. 3Alangli pen ajoksi Arnam kadokave pinchong-lo; alangli penpepin ke isinatta pinchongchedet-lo. 4Kepinchongtang an Lam pensi chethe long-lo, lapen labangso achethe ke monit atum akethe-ang-lo. 5kethe-ang kangting angbong turdang-lo, lapen kangting laphan kaita hai un-edet-lo.6Jon pu Arnam nangketoi amonit inut nangklang-lo. 7Kadokave amonit atum kethe-ang alamjir arjulongsi kekroiji aphansi alangli kethe-ang alamjir kethanjisi vang-lo. 8Alangli amethang amat ke kethe-ang kalilo, bonta kethe-ang alamjir kethanjisi alangli vang-lo. 9Lake kethe-ang binong-lo, atheke lake pirthe athak vangsi kadokave amonit athak ketur-angbom akethe-ang-lo. 10Lam pirthe athak dolo, lapen alangli pen ajoksi Arnam pirthe pinchong-lo, bonta pirthe alangliphan chininedet-lo. 11Alangli amethang ahemsi chevang-lo, bonta amethang amonit atum alangliphan chakchedet-lo. 12Bonta alangliphan kechak atum an, atheke alangliphan kekroi atum an aphan alangli Arnam asomar keplangji ajakong pilo. 13Halatum ke monit atum amahang kethek ason amahang theksi Arnam asomar plang-lo, lapu kali; atheke monit apo pen ajok amahang theksi Arnam asomar plang-lo, lapu kali, Arnam amethangsi halatum a-Polo. 14Lam monit nangcheplang-lo, lapen alangli kanghon kangjinso lapen ahok pen plengsetsi ilitum angbong nangdolo. Ilitum alangli dak-atur thek-long-lo. Labangso adak-atur ke Sopo po epumpet abang amethang a-Po pen kelong adak-atur asonthot-lo. 15Jon alangli lamjir thanlo. Alangli ase kethe pen hangsi pulo, “‘Alangli neliphi vangji, bonta alangli neli par themu, pima neli mahang thekthe ako penta alangli dolo,’ pu neli kepudam abang alangli helo.”16Alangli ilitum aphan e-jinso-o apotsi isi pen aphi isi ahirjume episi ilitum kadokave aphan hirjume epitang-lo. 17Arnam Moses pen ajoksi Aron pilo, bonta kangjinso lapen ahok ke Jisu Khristo pen ajoksi vang-lo. 18Baduta Arnam aphan thek-longlepin-lang. Sopo po epumpet abang, atheke Arnam pen isipet lapen Po adung kedo abangsi Arnam paklang-lo.